ايه اللي بيحصل في سوق الدهب اليومين دول في مصر وياترى شعبة الدهب حذرت من ايه وايه مصير الأسعار الأيام الجاية.. لو ناوي تشتري دهب يبقي لازم تشوف الفيديو ده للآخر 
 

الدهب طالع نازل اليومين دول وناس كتير مش عارفه ايه الأسباب لكن  هاني ميلاد، رئيس الشعبة العامة للمشغولات الذهبية باتحاد الغرف التجارية شرح ببساطة اللي بيحصل وقال أن تقلبات أسعار الدهب في الفترة الحالية مترتبط بالأوضاع السياسية والجيوسياسية العالمية، زي الحروب والأحداث الدولية وقال كمان إن  فوز الرئيس الأمريكي السابق دونالد ترامب بالانتخابات أدى إلى انخفاض أسعار الدهب بمقدار 100 دولار للأوقية، قبل أن تعاود الارتفاع بسبب التهديدات بحرب نووية مع روسيا على خلفية الأزمة الأوكرانية.

رئيس الشعبة قال كمان إن ارتفاع أسعار المعدن الأصفر في مصر نتيجة تأثر  سوق الصاغة عندنا بالسوق العالمي وليس المحلي وفي وسط الكلام قال حاجة مهمة جدا لازم نخلي بالنا منها وهي إن التخفيضات الكبيرة اللي بيعلنها  التجار على الدهب بتكون في المصنعيات ومش في سعر المعدن نفسه، وإنه في حال. وجود تخفيضات مبالغ فيها من بعض تجار الدهب يبقي لازم ناخد بالنا كويس جدا لأن بنسبة كبيرة الدهب دا مغشوش ومضاف ليه نسبة من النحاس ودا لأن أسعار الدهب اصلا مرتفعة في العالم كله وزي ما قلنا السعر في السوق المصري مرتبط بالسوق العالمي يعني وانت بتشتري لازم تاخد حد معاك يكون خبير في الدهب عشان لو فيه غش تعرفه كويس.

طيب لو مش معاك حد ازاي تعرف بنفسك أن الدهب اللي اشتريته مغشوش ؟
شوف حضرتك في اكتر من طريقة تعرف بيها الدهب الأصلي من الفالصو أولها هو اختبار  هو الفحص البصري لأن الدهب الحقيقي غالبًا ما يحمل ختم يحدد القيراط (مثل 10K، 14K، 18K، 24K) أو نقاء الذهب (مثل 999، 750).

تاني اختبار هو استخدم مغناطيس قوي زي مغناطيس النيوديميوم، الذي يمكنك العثور عليه في متاجر الأدوات أو على الإنترنت وقرب المغناطيس من قطعة الدهب ببطء. لا تلمس المغناطيس بالدهب مباشرة، بل اجعله قريبًا منه عند تقريب المغناطيس إذا لم يتحرك الدهب أو لم يظهر أي تفاعل، فهذا مؤشر جيد على أنه قد يكون دهب حقيقي.
أخيرا اختبار الماء فعند غمر قطعة الدهب بالماء إذا نزلت بسرعة للقاع ولم تطفو يبقي الدهب حقيقي وأصلي ولو حصل طفو يبقي الدهب مضروب.

ولو بتسأل عن أسعار الدهب في الأيام الجاية وفي 2025 فكل التوقعات بتقول إن الأسعار العالمية هتفضل تزيد ودا لأسباب كتير منها استمرار الصراع في اكتر من منطقة بالعالم واتجاه الفدرالي الأمريكي لخفض الفايدة في اجتماعاته اللي جاية وكمان إستمرار البنوك المركزية العالمية في شراء المعدن الأصفر للتحوط من المخاطر وزيادة الاحتياطي النقدي بعيدا عن الدولار وفيه توقعات قالت إن أوقية الدهب هتوصل ل3 آلاف دولار بنهاية 2025 ودا معناه زيادة كبيرة في سعر المعدن الأصفر في الصاغة المصرية.