رد محمد أبو العلا، محلل أداء نادي الزمالك، على البلجيكى يانيك فيريرا المدير الفنى السابق للزمالك، بعد إجراء الأخير حواراً مع إحدى القنوات الفضائية، انتقد خلاله القلعة البيضاء بسبب وجود قصور من النادي الأبيض فى دعم تحليل أداء الفرق المنافسة وخاصة الأهلي.
وكتب أبو العلا، عبر صفحته الشخصية على فيس بوك، “حابب أقول حاجة مهمة جدا بخصوص تصريحات فيريرا، بخصوص عدم عرض فيديوهات تحليل للمنافس قبل مباراة الأهلي، هحكي موقف بس وبعدين أقول رأيى.
محمد أبو العلا
محمد أبو العلا يرد على فيريرا
وأضاف أبو العلا، فترة أيمن الرمادي وقبل لقاء بيراميدز تحديدا كنت بساعد صديقي محمد طارق محلل أداء نادي الزمالك الرسمي وقتها اللي بذل مجهود كبير ساعدت فى إننا نجيب كل تفصيله تخص بيراميدز بدون تكلفة علي النادي، أعتقد بردو الأهلي مكنش صعب تحليله او تواجد فيديوهات ليه تتعرض ده للي عايز ينجح ومعلومة في مواقف مشابهه مع المدربين الي اشتغلت معاهم، عماد النحاس بيدفع من جيبه، وأيمن الرمادي بيدفع من جيبه عشان ينجح شغله بكل تفصيله، رغم أنها إلزام علي النادي توفيرها لكن دي أمثله في المواقف اللي شبه دي تحديدا.
محلل أداء الزمالك السابق: الأهلي مش بيلعب في الدوري اليوناني
واختتم محمد أبو العلا، أعتقد اللي عايز ينجح كان ممكن يتعب شويه هو أو المحلل اللي كان معاه إنه يوفر تحليل وفيديوهات للأهلي اللي بيلعب في نفس الدوري مش بيلعب في الدوري اليوناني مثلا.